வர்றார் ஜக்குபாய்

ரஜினியை வைத்து கே.எஸ்.ரவிக்குமார் இயக்கி வெளிவருவதாக இருந்த படம் ஜக்குபாய். பின்னால் பல்வேறு பிரச்சனைகளின் காரணமாக அந்தப் படம் ரஜினியை வைத்து எடுக்கப்படாமல் கிடப்பில் போடப்பட்டது.
பின்பு ராதிகா சரத்குமார் அந்தப் படத்தின் கதையை கேட்டு சரத்குமாரை கதாநாயகனாகப் போட்டு ஜக்குபாய் படத்தை எடுத்தார். இந்தப் படம் தயாராகியும் விற்பனையாகாமல் இருந்தது.
இப்போது சரத்குமாரின் பழசிராஜா ரிலீசாகியுள்ளதைத் தொடர்ந்து இந்தப் படத்தையும் வெளியிடுவதற்கான வேலைகளில் இறங்கிவிட்டார்கள்.
டிசம்பர் 11 ஆம் தேதி இந்தப் படம் வெளியாகும் என்று தெரிகிறது. பழசிராஜாவில் சரத்குமாரின் நடிப்பு நன்றாக உள்ளது குறித்து பிரிவியு பார்த்த பிரபலங்கள் பாராட்டியுள்ளார்களாம்.
இந்த வரிசையில் ஜக்குபாயும் ஹிட்டாகும் என்று நம்புகிறார் சரத்குமார்.
ஆனால் சரத்குமாரின் சமீபத்திய படங்கள் எல்லாம் விஜயகாந்த் படங்களைப் போல் டுமீல் ரகங்கள் ஆகிவிட்டதால் இந்தப் படம் தேறுமா என்ற சந்தேகத்துடனே ஜக்குபாயை எதிர்பார்க்கிறார்கள் சரத்குமார் ரசிகர்கள்.