சூர்யாவுக்கு பொருத்தமில்லாத கதை

சமீபகாலமாக தொடர்ந்து வித்தியாசமான படங்களையும் சூப்பர் ஹிட் படங்களையும் கொடுத்து வந்த சூர்யாவுக்கு ‘ஆதவன்’ முந்தைய படங்களுக்கு ஒப்புமைப்படுத்திப் பார்க்கும் போது சற்றே உதறல் அடிக்கிறது.
‘கஜினி’, ‘வாரணம் ஆயிரம்’ படங்களைத் தொர்ந்து வித்தியாசமான கதை களங்களை சூர்யாவிடம் எதிர்பார்த்த போது ‘அயன்’ வந்தது. பழைய கதைதான் என்றாலும் வேகமான திரைக்கதையால் படம் ஹிட்டானது. ஆனால் ‘ஆதவன்’ முற்றிலும் எல்லாவற்றிலும் கோட்டை விட்டிருக்கிறது. ஏற்கனவே பல தடவைகள் தாறுமாறாக அரைக்கப்பட்ட கதை இப்போது ‘ஆதவன்’ என்ற பெயரில் வெளிவந்துள்ளது. படம் பார்க்க வந்த ரசிகர்களில் பலரும் ‘வெத்துப் படம் இது’ என்று சொல்கிற அளவுக்கு புலம்ப வைத்த இந்த படம் முழுக்க முழுக்க சூர்யாவுக்கு சம்பந்தமில்லாத கதையைக் கொண்டு உள்ளது. ஒருவேளை சூர்யா அறிமுகமான புதிதில் இந்தப் படம் வந்திருந்தால் நன்றாக இருந்திருக்கும்