சிலம்பரசன் படத்தில் மாதவன்?

விண்ணைத்தாண்டிய வெற்றிக்குப் பிறகு இரண்டு படங்களில் ஒரே நேரத்தில் நடிக்க ஒப்புக் கொண்டிருக்கிறார் சிலம்பரசன்.

ஒன்று வரலட்சுமியுடன் ஜோடி சேரும் போடா போடி. இதன் படப்பிடிப்பு லண்டனில் நடக்கிறது.

இன்னொ‌ன்று லிங்குசாமி இயக்கும் படம். தமிழ், தெலுங்கு இரு மொழிகளில் இந்தப் படம் தயாராகிறது. தெலுங்கில் சிம்பு வேடத்தில் மகேஷ் பாபு நடிக்கிறார்.

இந்தப் படத்தில் சிம்புவுக்கு அண்ணன் கதாபாத்திரம் ஒன்று வருகிறது. ஹீரோவுக்கு இணையான கதாபாத்திரமாம் இது. இந்த கதாபாத்திரத்தில் மாதவன் நடித்தால் நன்றாக இருக்கும் என எதிர்பார்க்கிறார் லிங்குசாமி.

இரண்டு ஹீரோக்களுடன் மாதவன் நடிப்பது புதிதல்ல. இப்போதும் மன்மதன் அம்பு படத்தில் கமலுடன் நடிக்கிறார். கமலுக்கு காட்டிய அதே க‌ரிசனத்தை சிம்புவுக்கும் அவர் காட்டுவாரா?

காத்திருக்கிறது லிங்குசாமியின் டீம்.