விஜய் ரசிகர்களுக்கு தித்திக்காத தீபாவளி

விஜய் ரசிகர்களுக்கு இந்த தீபாவளி தித்திக்காத தீபாவளியாக இருக்கப் போகிறது... ரசிகர்களுக்கு மட்டும் என்ன... விஜய்க்கும் தான். ‘வேட்டைக்காரன்’ படத்தை எப்படியாவது தீபாவளிக்கு திரைக்கு கொண்டு வந்து விட வேண்டும் என்ற ஆசையில் இருந்தார் விஜய். விஜய் ரசிகர்களும் ஏகப்பட்ட எதிர்பார்ப்புகளுடன் இருந்தனர். ஆனால் போஸ்ட் புரடக்க்ஷன் வேலைகளே இன்னும் நாட்கள் பலவற்றை காலி பண்ணிவிடும் என்பதால் தீபாவளிக்கு இந்தப் படத்தை ரிலீஸ் செய்ய முடியாத நிலைதான் இப்போது வரைக்கும். இந்தப் படத்தைப் பற்றி ஏராளமான எதிர்பார்ப்பில் இருக்கும் விஜக்கு இந்தப் படம் தான் கை கொடுத்தாக வேண்டிய கட்டாய சூழ்நிலை. சன் பிக்சர் வாங்கியதால் இந்தப் படத்தின் மேலே இருந்த நம்பிக்கை விஜய்க்கு இன்னும் வலுவாகிவிட்டது. தீபாவளிக்கு இந்தப் படத்தை வெளியிட்டால், சன் பிக்சர்ஸ் செய்யும் விளம்பரங்களினால் எந்த படமும் வெளியில் தலை காட்டவே முடியாது... வேட்டைக்காரன் நிச்சயமாக ஹிட் ஆகிவிடும் என்ற எண்ணத்தில் இருந்த விஜய்க்கு இது மன வருத்தத்தை அளிக்கிறதாம்.