நமீதாவின் தெலுங்கு படம்

தமிழில் நடிப்பதை விட தெலுங்கில் அள்ளிக் கொடுப்பார்கள் என்று நினைத்த நமீதா சமீபத்தில் ஓசைப்படாமல் தெலுங்கு படம் ஒன்றில் நடித்திருக்கிறார்.

இந்தப் படம் தமிழுக்கும் வருகிறது, ‘இதுதாண்டா சட்டம்’ என்னும் பெயரில். பணபலம் அதிகார பலம் கொண்ட ராமசாமி ரெட்டி, தன்னம்பிக்கை, தைரியம் கொண்ட ராஜசேகர், அவரை பிடித்தே தீருவேன் என்று அலையும் போலீஸ் அதிகாரியான தம்பி... கவர்ச்சி புயல் நமீதா இவர்களுக்குள் நடக்கும் சம்பவங்களாகப் பின்னப்பட்டுள்ளது இந்தப் படத்தின் கதை.

கோடி ராமகிருஷ்ணா எழுதி இயக்குகிறார். ராஜசேகர் கதாநாயகனாக நடிக்க அவருக்கு ஜோடியாக நமீதா களம் இறங்கியுள்ளார். இவர்களுடன் நாசர், ரியாஸ்கான், கே.ஆர்.விஜயா, தலைவாசல் விஜய், ராமிரெட்டி மற்றும் பலர் நடித்துள்ளார்கள். தெலுங்கில் சூப்பர் டூப்பர் ஹிட்டான கோடி இராமகிருஷ்ணாவின் அடுத்த இயக்கத்தில் பிரமாண்ட தயாரிப்பாக வெளிவருகிறது இந்த படம்.

தமிழில் நடிப்பதை விட, தெலுங்கில் எக்கச்சக்க கவர்ச்சி மழை பொழிந்துள்ளாராம் நமீதா.