நமீதாவின் திடீர் முடிவு

வெயிட்டான கேரக்டர்கள் இல்லாவிட்டாலும் வெயிட்டான நமீதான சமீபகாலமாக பல படங்களில் வந்து போவது வழக்கம். ஜெகன்மோகினி படத்திற்குப் பிறகு நமீதா ஒரு முடிவெடுத்திருக்கிறாராம். அது, இனிமேல் உப்பு சப்பில்லாத கேரக்டர்களில் வெறுமனே கவர்ச்சியாக வந்து போகக் கூடாது என்பதுதான். இதனால் அவருக்கு சமீபகாலமாக வந்த பத்துக்கும் மேற்பட்ட வாய்ப்புகளை அவர், உதறித்தள்ளியிருக்கிறார். முன்பு கவர்ச்சியான வேடங்களை எதிர்பார்த்த நமீதா இப்போது கவர்ச்சியுடன் வெயிட்டான கேரக்டராக இருந்தால் மட்டுமே ரசிகர்கள் மனதில் நிலைக்க முடியும் என்பதை உணர்ந்து விட்டாராம். எனவே, அதற்கு ஒரே வழி நல்ல கதை உள்ள படங்களில் நடிப்பது தான் என்பதைப் புரிந்து கொண்டாராம். கதை சொல்லப் போகும் இயக்குநர்களிடம் இப்போது கதையை முழுவதுமாக கேட்டு விட்டு தன்னுடைய கேரக்டர் பற்றி குறுக்குக் கேள்விகள் கேட்பதால் நமீதாவிடம் கதை சொல்லப் போகும் இயக்குநர்கள் கிலி பிடித்துக் கிடக்கிறார்கள்.