பாலிவுட்டில் முருகதாஸ்

கஜினி மூலம் சூர்யாவுக்கு வாழ்வு கொடுத்தார் ஏ.ஆர்.முருகதாஸ், அதன் பின்பு இவர் இயக்கப் போகும் தமிழ் படத்திலும் சூர்யாதான் ஹீரோ.

இன்னும் சில மாதங்களில் துவங்கப்படுவதாக இருந்த இந்த படத்திட்டத்தில் திடீர் ஸ்பீட் பிரேக்கர்! 2010 இறுதிக்கு தள்ளி வைக்கப்பட்டுள்ளதாம் படப்பிடிப்பு.

அதுவரைக்கும் வெட்டி மேடைகளில் குட்டிக் கதையா பேசிக்கொண்டிருக்க முடியும்? எப்பவுமே தனக்கு ரத்தின கம்பளத்தை வைத்துக் கொண்டு காத்திருக்கும் இந்தி ஏரியாவுக்கு போய்விட்டார் முருகதாஸ். சல்மான்கான், தீபிகா படுகோனே ஜோடியாக நடிக்கும் புதிய படத்தை இயக்க போகிறாராம். தெலுங்கில் வெளிவந்து வசூலை வாரிக்குவித்த கிக் படத்தின் ரீமேக்தான் இது.

அறிமுகப்படுத்திய இயக்குனரான தன்னை அம்போவென்று விட்டுவிட்டு பாலிவுட் ஹீரோக்களின் புகழ் பாடிக் கொண்டிருந்த அசின் மீது ஏக கடுப்பில் இருந்த முருகதாஸ், வாய்ப்பிருந்தும் வலியவே மறுத்துவிட்டாராம் அசினை. பேசி கெடுவது ஒரு டைப் என்றால், பேசாமல் கெடுவது இன்னொரு வகை போலிருக்கிறது.