வைகைப்புயல் கொஞ்ச நாட்களாக சூறாவளியாகியிருக்கிறார். அதில் சிக்கி சின்னாபின்னமாகிறார்கள் தயாரிப்பாளர்களும் இயக்குனர்களும். இவரது தினச் சம்பள கணக்கு திகில் மூட்டுகிறது.
மொத்தமாக பேசுகிற சம்பளமோ மூச்சு முட்ட வைக்கிறது. அப்படி கொடுக்க சம்மதித்தாலும் அவர் நடந்து கொள்கிற முறை? ஐயோடா...!
சமீபத்தில் தனது பேராண்ம பலத்தை காட்டிய ஹீரோவின் படத்தில் நடிக்க ஒப்புக் கொண்டிருந்தார் சூறாவளி. சம்பளம் பெரிய்ய்ய்ய்ய ஒன்று! பத்து நாட்களுக்குள் முடிச்சிரணும் என்ற கண்டிஷனோடு ஒப்பந்தம் போட்டாராம். ஆனால் படப்பிடிப்புக்கு வருவதே பதினொரு மணிக்குதானாம். சரியாக நாலு மணிக்கெல்லாம் வர்ர்ர்றட்டுமா என்று கிளம்பிவிடுகிறாராம். இடையில் ‘லஞ்ச்’ ஒரு மணி நேரம்! எடுக்க நினைத்த காட்சிகளில் பாதி கூட முடியவில்லை. அதற்குள் கால்ஷீட்டே முடிந்துவிட்டதாக கூறினாராம் அவரது மேனேஜர். இதென்ன பெரிய தில்லாலங்கடியாக இருக்கே என்று பதறுகிறார்கள்.
இப்படியெல்லாம் நடக்குதா என்று யூனிட்டை சேர்ந்த முக்கியஸ்தர்களிடம் விசாரித்தால், ஆரம்பத்தில் ஒன்றிரண்டு நாட்கள் அப்படி நடந்திச்சு. ஆனால் அதுக்கு பிறகு சின்சியரா வந்து முடிச்சு கொடுத்திட்டாரு. படத்திலே அவருடைய பங்கு ரொம்ப பிரமாதமாக வொர்க் அவுட் ஆகியிருக்கு என்கிறார்கள். நல்ல குடும்பத்து படம். நாசுக்கா முடிச்சு கொடுங்கப்பு...
No comments:
Post a Comment